Jahkečoahkkin lea dollojuvvon ja dás lea jahkečoahkkima beavdegirji.

Gohččun jahkečoahkkimii

Stivra gohčču RSS miellahtuid jahkečoahkkimii 15.3.12 dii. 19. Čoahkkin dollojuvvo Báhpajávrri skuvlla personálalanjas. Áššelistu:

• Čoahkkingohččuma dohkkeheapmi
• Jahkečilgehus
• Rehketdoallu 2011 ja dárkkistanraporta
• Doaibmaplána ja bušeahtta jagi 2012
• Válggat

Válgalávdegottis leat Hanne Svinsaas Magga ja Aina Hætta Høgseth.

Njuolggadusaid §8 mielde jienastanvuoigatvuohta gáibida ahte miellahttoruhta 2012 lea máksojuvvon. Álkimus lea máksit neahttabáŋkkus, muhto lea maid vejolaš máksit jahkečoahkkimis.

Miellahttoruhta: Mávsse 100 ru dása: 4750 11 93174. Merke dáinna: "Miellahttoruhta 2012 + iežat e-poasta-čujuhus"

Gohččun sáddejuvvo maid epoastan daidda geaid epoasta-čujuhus mis lea.

BURES BOAHTIN!

Jahkečoahkkinbáhpárat:

Jahkečilgehus Doaibmaplána 2012 Rehketdoallu 2011 Revišuvdnačilgehus 2011 Bušeahttaevttohus 2012

============================================

Reive sáddejuvvon miellahtuide 13.2.12:

Romssa Sámi Searvvi jahkečoahkkin 15.3.12

RSS doallá jahkečoahkkima 15.3.12 dii. 19 Báhpajávrri skuvlla oahpaheddjiidlanjas. Áigemearri dieđihit jahkečoahkkináššiid lea 1.3. Stivra pláne dáid áššiid:

• NSR riikkačoahkkin 2012 Romssas
• RSS historjjá čállin
• Romsa sámi gávpogin – bálggis ovddos guvlui dán barggus

Loahpalaš gohččun ja jahkečoahkkinbáhpárat biddjojuvvojit dađistaga liŋkan dán siidui.

Mii áigut maid sáddet loahpalaš gohččuma oktan áššelisttuin e-poastan daidda geaid e-poasta-čujuhus mis lea. Ávžžuhit buohkaid sáddet e-poasta stivrii vai beassat registreret dan. RSS čujuhus lea post@tromsosameforening.no.

Njuolggadusaid §8 mielde jienastanvuoigatvuohta gáibida ahte miellahttoruhta 2012 lea máksojuvvon. Álkimus lea máksit neahttabáŋkkus, muhto lea maid vejolaš máksit jahkečoahkkimis.

Miellahttoruhta: Mávsse 100 ru dása: 4750 11 93174. Merke dáinna: "Miellahttoruhta 2012 + iežat e-poasta-čujuhus"